通訊事務管理局一聲令下，原亞視執行董事盛品儒喺日前執包袱走人。雖然前無綫高層陳志雲同盛品儒唔太相熟，但兩人原來定期有茶敍。志雲大師噚日話呀，盛品儒早前知道通訊局有裁決後，已經預告八成機會走人；繼而佢就做埋盛品儒代言人，話盛品儒覺得好無奈，因為一直盡心盡力做好呢間良心電視台㗎！佢仲話盛品儒會先放假兩星期，然後投入新媒體工作。
若然仲堅持睇亞視嘅市民，一定發現：盛品儒雖然走咗，但精神永存atv。事關atv近日不停喺午間同晚間新聞前後，狂播讚揚盛品儒嘅MV式短片，繼日前扮唔覺意倒掛區旗洩忿後，再同通訊局隔空開拖。
肥佬黎有今日，全賴阿媽細個同佢講過乜？即睇最新一集《亂噏24》，話唔定幫到你！
http://bit.ly/appletalk24