加里夫巴利的破紀錄轉會終於落實。10億港元，只為買一位球星，令我想起一些無聊事．．．．．．囝囝前日幼稚園開學，接他放學時經過小食店，12蚊買了一底雞蛋仔給他；其實3歲人仔，怎會吃得下全底雞蛋仔？拿也拿不穩，結果掉了幾粒，又吃了幾粒，大半底還是交給爸爸消滅。
記得我小時候，筲箕灣巴士總站常有大量小食攤販，辣魚蛋、臭豆腐、煎釀三寶一應俱全，但家父只肯買「最健康」的雞蛋仔給我。當年1蚊一底，但家父例牌問：「5毫子畀半底我吖！」「咁剩番半底我點賣呀？」「有人買嘅！嚟啦！」結果每次老闆都不情不願掰開半底放入紙袋。半底雞蛋仔，我一雙小手拿着，剛剛好，亦吃得很滋味。家父就是這樣知慳識儉，把一家四口養大。
現在社會不同了，不少幸運的一群，資源永遠超乎所需，那有人還會買半底雞蛋仔呢？超大量的玩具、不思索的叫餸、無止境的消費；大家都忘記了「剛剛好」那份滿足。球圈這十數年變化亦很瘋狂，當年100萬鎊買一個簡東拿，可以締造一個王朝，現在8,000萬鎊買一個C朗還不夠，還要將紀錄一破再破，到底世上是否有球員值這樣多錢？
紀錄不斷被打破的同時，亦等於很多東西在消失。當日雲格可用幾百萬，發掘安歷卡、韋拉等點石成金；費Sir更可以不用千萬球星，靠青年軍7小福，大家兄弟波拍住上，贏埋歐洲冠軍；現在C朗與巴利身邊的隊友，有誰可以「稱兄道弟」？兄弟波的激情勵志，幾乎被時代淘汰了。
方柏翹
肥佬黎有今日，全賴阿媽細個同佢講過乜？即睇最新一集《亂噏24》，話唔定幫到你！
http://bit.ly/appletalk24