上環某住宅大樓，有間只得幾千呎的大學，由菲律賓籍校長Romas於1988年開辦，奮鬥廿多年，學校終於上軌道，課程也越開越多，四年前還跟菲律賓的Saint Mary's University銜接升格成為大學。Romas：「每年大約一百名畢業學生當中，八成係印傭，兩成係菲傭。」學生們以半工讀形式修讀學分，約四至五年可完成課程。當然，有僱主不想女傭讀書，怕會影響工作，好些學生也因為種種理由突然停學，但過一陣子又會再來上課，全因修分制度夠彈性，學費又便宜，每月學費平均$600。「對中途輟學來港打工嘅菲律賓學生、不被鼓勵上大學嘅印尼女學生嚟講，讀書都係條新出路。」畢業後，回到印尼的印傭可以到銀行或政府部門工作，加上幾年來在香港儲下的錢，回鄉後生活指數即可逆轉，前途一片光明。
印傭Nisaul Kirom說得一口流利英文，來念書是因為：「禮拜日喺條街流連，太浪費時間，我讀番個學位，返到印尼可以搵份更好嘅工作。」一天到晚處理家務，晚上溫書，豈不累死？Nisaul：「僱主好支持我，屋企班小朋友六點就食晚飯，我洗完碗就無乜事做，夜晚嘅事佢自己會做番，等我可以好好溫書。」Saint Mary's University是天主教學校，天主教學校畢業儀式很感人，學生們會上台把燭光交給至親，然後跪在台上，由親人幫她穿上畢業袍。人在他鄉，僱主一家就成為學生的至親，為她進行畢業儀式，Romas笑說：「好多僱主同傭工都眼泛淚光，我每一次睇見都會喊。」
肥佬黎有今日，全賴阿媽細個同佢講過乜？即睇最新一集《亂噏24》，話唔定幫到你！
http://bit.ly/appletalk24