民主黨東區區議員梁淑楨（圖）早前中風入院，直至𠵱家仲請緊假休養中。據知近日有區內人士周圍唱民主黨同梁淑楨，鬧梁淑楨唔能夠履行議員職務，仲霸住個位唔放，仲話民主黨因為怕補選會輸喎。
有民主黨中人好勞氣咁同八方呼寃，話梁淑楨嘅醫生真係寫咗假畀佢養病到9月初，而梁嘅病況雖然穩定，但仲未可以自己簽到好似辭職信等嘅法律文件，而民主黨𠵱家已經有律師，幫梁淑楨家人搞緊委託監護人嘅法律手續，當有關法律手續完成，就可以由佢嘅監護人處理係咪辭職等等嘅問題嘞，重申唔存在民主黨怕補選會輸、就仲霸住個位唔放嘅情況。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange