張兆輝同謝天華主演嘅無綫新劇《神鎗狙擊》，將會緊接《衝上雲霄II》推出，而目前喺內地拍緊劇集《半步天涯》（暫名）嘅輝哥，亦都會返嚟參加宣傳為新劇造勢。雖然緊接《衝II》播出，不過輝哥話對收視冇乜太大壓力，因為佢覺得《神》劇拍攝時大家都盡晒力。劇中輝哥演飛虎隊教官，有好多槍戰同爆破鏡頭，亦同謝天華展開兄弟對決，輝哥覺得新劇好有質素，信心十足。而喺內地拍《半》劇，輝哥同龔慈恩合作，飾演高官夫婦，龔慈恩𠵱家為香港電視拍劇，輝哥笑話：「希望有機會同佢再喺無綫合作。」
肥佬黎有今日，全賴阿媽細個同佢講過乜？即睇最新一集《亂噏24》，話唔定幫到你！
http://bit.ly/appletalk24