昔日手機王者諾基亞真的沒落了！微軟斥資560億元鯨吞諾基亞，「弱弱聯手」能否奏效，實難推測，但一眾手機及設備股就率先狂炒，上周推介的富智康（2038）已累漲逾15%，昨日再創一年新高，動力充沛，短線6蚊不難達到。想搵多隻實力股追落後，魏力首選手機鏡頭股舜宇光學（2382）嘞。
本欄戰友相信對舜宇不會陌生，去年10月4蚊開始推介，今年5月見11.78元，累飆1.9倍。不過，市場憂慮500萬像素鏡頭競爭激烈，影響毛利率，拖累股價7月曾低見7蚊水平。半年業績顯示，毛利率按年下降3.6個百分點至15.6%，但純利按年仍增長26%，經營溢利率保持於7.8%，反映集團控制成本相當好。
炒股炒前景，下半年點睇？瑞銀報告引述管理層表示，較高毛利的800萬像素鏡頭銷售比例將會升至25%，高於上半年的17.7%，出貨量可增長50%至1倍間，而更高毛利的1,300萬像素鏡頭亦將會增長20%以上，有利毛利率強勁反彈。
全年來說，瑞銀料舜宇純利可增長43%，每股盈利0.51人仔，意味預測PE得14倍。更重要的是，該行預期明年純利仍可再升53%，可見現價平得不合理。計番佢20倍PE，值12.60元，仲有39%水位。走勢上，舜宇昨突破7月以來橫行區，成交配合，勢將重踏升浪，創新高指日可待。
魏力
http://www.facebook.com/2012jason
肥佬黎有今日，全賴阿媽細個同佢講過乜？即睇最新一集《亂噏24》，話唔定幫到你！
http://bit.ly/appletalk24