【充滿信心】
米蘭站（1150）上市的時機可謂相當「精準」，在2011年5月市況暢旺、並搶在Prada（1913）之先出閘，最後該股公開發售獲超額認購近2,180倍，成為史上超購王。
仍有一個陣痛期
不過，掛牌首日，卻是米蘭站股價見頂之時，上市3個月後更「潛水」至今。近年米蘭站表現不斷倒退，剛公佈的中期業績更錄虧損。
當日招股熱爆，如今小股東卻慘變「大閘蟹」，姚君達形容當日市況是「㩒都㩒唔住」。對於小股東，姚君達想講的是：「我有心想搞返好業務，𠵱家要將存貨轉為賣中價產品，會有一個陣痛期。千祈唔好睇淡我呀！我好有毅力，希望畀啲時間我啦。」
姚君達指出，未來米蘭站在香港會嘗試轉租樓上舖，以及多進駐商場，來減輕租金壓力。另一方面，公司正拓展其他業務，如在郵輪開店賣袋，以及在新加坡找特許經銷商加盟，「新加坡的特許經銷商本身是在當地賣名貴跑車的，很有經驗」。
自由行踏入下一個10年，姚君達堅信本港零售業仍然會表現不俗，只是形式不同，米蘭站要轉型多賣中價貨，以用家為主，以及「唔可以齋做香港」。
肥佬黎有今日，全賴阿媽細個同佢講過乜？即睇最新一集《亂噏24》，話唔定幫到你！
http://bit.ly/appletalk24