跟蔡東豪午飯，話題很自然聊到他的《主場新聞》和我們《蘋果》網的發展。「肥佬黎呢鋪押中啦！」蔡東豪說。「你哋《蘋果》同事坐地鐵，一定好開心，清一色差不多全部上《蘋果》App」。
目前，透過網站和手機App每天瀏覽《蘋果》新聞、動新聞和即時新聞的點擊率為三千五百萬，其中透過智能手機App的瀏覽又比網站多，而智能手機中，Android又比iPhone的多。「你們咁多影片，動畫又是你們獨有，其他人好難追。」蔡東豪說。
「咁你哋係咪全部新聞都上載？」蔡東豪問。這個當然，今日《蘋果》的新聞，都毫無保留上網，即使未出街的獨家料，九成九都會上埋即時新聞。肥佬黎一早就向我們灌輸，紙媒遲早死，所以千祈不要有包袱，一定要晒冷做網上新聞，而網上新聞又以影片和動新聞最煞食。沙膽虹又記得肥佬黎曾經講過類似嘅嘢，有包袱就死梗，如果有條友發起神經拿大筆錢只做網上新聞，佢無報紙包袱，不用留料給報紙做獨家，咁我哋咪死？所以沙膽虹一直叫同事不要留料，上得就上，同事亦已經克服了心理障礙過了此關，只是有些很難三言兩語在即時新聞交代的超級大獨家，才留在報紙。
沙膽虹手記
twitter賬號：khcheung1
肥佬黎有今日，全賴阿媽細個同佢講過乜？即睇最新一集《亂噏24》，話唔定幫到你！
http://bit.ly/appletalk24