英華小學噚日開學，學生哥返到學校就眼前一亮，因為見到好多個《衝上雲霄》嘅Sam哥同Cool魔。學生哥唔係去錯機場，而係學校？男老師竟然着晒機師制服，女老師就着到靚空姐咁喺學校迎接佢哋。
每年舉辦主題活動
原來，英華小學每學年都有主題活動㗎，今年就係大熱嘅《衝上雲霄》，老師嚟緊呢一年會有唔同嘅挑戰俾學生，學生如果完成到就會有獎勵，最後仲可以成為「機師」。有學生、家長話，學校曾經以十兄弟故事為題，「例如叫學生學習大力士，可以自己拎書包，唔好依賴家長」。家長贊成學校搞搞新意思，等學生肯投入參與學校活動。
噚日開學活動上，成班學生哥喺禮堂一齊唱《衝上雲霄》主題曲，其間一班機師老師、空姐老師，就拖住個篋慢慢步入禮堂，睇到班同學都好開心。
肥佬黎有今日，全賴阿媽細個同佢講過乜？即睇最新一集《亂噏24》，話唔定幫到你！
http://bit.ly/appletalk24