倫永亮前晚在灣仔伊館舉行尾場演唱會，當晚捧場的有白雪仙、陳寶珠、葉德嫻及陳潔靈等，提到前一場暗踩莊冬昕的《食軟雪糕》，前晚倫永亮再說：「有啲song I hate，不過每個人喜好唔同，冇話好定壞。」接着倫永亮再唱《食軟雪糕》及林峯的《Chok》。
繼續踩莊冬昕
之後倫永亮請陳潔靈上台，她苦笑說：「我病都嚟呀。」倫永亮則說：「佢噚晚唔舒服冇去睇安全地帶，今晚病住都嚟，我真係好感動。」接着倫永亮又請來素顏、一身師奶造型的葉德嫻上台，她搞笑說：「我自己買480蚊飛嚟睇，真金白銀。噚晚有乜嘢人嚟睇？佢哋自己買飛㗎？」倫永亮支吾以對，葉德嫻作狀打他一下。
完騷問到暗踩莊冬昕及林峯，倫永亮說：「各人喜好唔同，我唔鍾意但人哋可以鍾意，我唔係寸林峯，佢首歌係金曲，但冇人信佢攞，佢係我朋友，我好支持佢。」但倫永亮直言不知歌詞想表達甚麼。
採訪：王連連
攝影：仇志德
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！