亞視新聞部離職潮冇停過，亞視前主播兼副採訪主任吳秀華噚日喺facebook公開佢離開亞視嘅原因，一如早前流傳係因為佢曾喺施政報告論壇上質問狼振英，之後被打入冷宮，佢嘅工作態度亦變得唔積極，批評新聞部有人已變成「扯線公仔」。
論壇質問狼英被迫走
吳秀華當日喺施政報告電視論壇上，指出狼英施政報告同董建華嘅施政報告好似，質問梁振英有何過人之處，能夠處理到土地供應、全民退休保障等十多年來嘅長期問題。就係呢條問題，亞視新聞部主管一兩日後收到觀眾意見，主管之後就話唔使吳秀華再出席一個月後嘅預算案電視論壇。
吳秀華斷定，呢位主管係受到政治干預而自我審查，但冇真憑實據，之後佢留喺亞視嘅半年變得苟且偷生，一來佢工作態度不再積極，二來主管亦唔再重用佢，而佢發現亞視嘅政治新聞為免自我審查太明顯，避重就輕、人有我有就算數：「在這個環境工作久了，人很容易變得麻木，有些人更變成扯線木偶甚至變本更厲。」
吳秀華話，佢喺呢個風雨飄搖之時離開亞視，心存慶幸，但亦感痛心：「願天佑香港、天佑亞視」。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange