港股成交低迷，大deal無影，連「最後希望」阿里巴巴千億上市大計，來香港機會似乎都越來越渺茫。聞說港交所（388）近期繼續勒緊褲頭，唔少管理層識趣離開，如以它們自己內部ranking嚟講，李小加是一級的話，走得最勁的是三至五級，算是中高層；職位懸空後，亦沒找人填補。以最政治正確的用字來形容，呢啲就叫「自然流失」吧？
港交所和一眾iBanker，當然想拎到阿里巴巴這盤生意，但阿里巴巴提出的「合夥人」制度，相信很難說服近年執法強硬的證監會。阿里巴巴近日打公關輿論牌，找股評人吹風，又意圖控制輿論走向，但結果適得其反。有投行界人士認同，阿里巴巴提出的「合夥人」制度，精神上同A、B股無分別——同樣係允許同股唔同權，給予某一小部份股東可控制董事會權利。如阿里巴巴獲批，點解釋之前n隻又唔批先？大隻唔等於大晒，以為可以打橫行？外間反彈只會更大。
有市場人士估計，除非最後阿里巴巴可如當日俄鋁（486）般獲阿爺「強烈地祝福」，又唔做公開發售，或者仲有一線生機。否則，證監今次放生阿里巴巴的機會，好微。
海迪
肥佬黎有今日，全賴阿媽細個同佢講過乜？即睇最新一集《亂噏24》，話唔定幫到你！
http://bit.ly/appletalk24