香港動畫製作人協會會員盧子英一語道破：「廣告動畫角色脫離廣告仍然能夠繼續發展先叫成功。你要我喺本土作品中搵一個成功例子，真係無。」麥兜也不算成功？「麥兜本身係成功動畫人物，紅咗先拍廣告，唔係拍廣告拍到紅咗，唔算數！不過，HSBC隻獅子、渣打先生、維他朱古力奶牛奶仔，效果好得意，講番起都記得嘅，已經算成功。」
香港動畫廣告已經有六十年歷史，盧子英：「能追溯到最早嘅本土動畫廣告產於1961年，當年中華漆廠少東林佳受西方動畫影響，喺廠房設立一個小規模動畫部門。呢班林佳培訓出嚟嘅人才，喺七十年代自立門戶，動畫廣告得以繼續發展。當年，大家睇慣《亂世佳人》呢啲真人電影，一接觸到動畫就覺得好新鮮；以前電視未流行，啲人多數睇電影，廣告喺電影前播放，一個簡單轉動嘅菊花已經令人留下深刻印象。」八十年代是香港動畫業一大轉捩點，專業動畫師約翰辛納維在香港發展廣告，將西方動畫技術人員引入香港，令很多西方企業如麥當勞也跟本土動畫公司合作，水準大大提升。說到這兒，他突然慨嘆，「動畫師最享受嘅就係畫畫，一秒畫廿四張圖，觀眾睇動畫，完全欣賞到動畫師功力。九十年代動畫數碼化，雖然更有效率，變化亦更多，但唔好處係欣賞唔到動畫本身製作。你見到真人，有可能係動畫，你以為係動畫，原來係真人，觀眾好難分。」
肥佬黎有今日，全賴阿媽細個同佢講過乜？即睇最新一集《亂噏24》，話唔定幫到你！
http://bit.ly/appletalk24