噚晚七點幾，市民梁先生揸車到中環機鐵香港站對開，停車熄匙等老婆嗰陣，前面有架私家車突然倒車泊位。梁先生一睇，個位咁窄點泊呀？果然「呯」一聲，㗎車撞埋去梁生車頭度。
若索償要打官司
本來都冇乜事㗎，大家咪落車傾點賠囉。殊不知梁生落車一睇，見對方架車車牌竟然係「FS」。咦？咪係財爺曾俊華座駕！再睇睇，唔見「鬍鬚曾」喎。
唔理咁多，一於同個司機傾賠償，其間一個女人走近，司機稱呼佢做「曾太」，咪係曾俊華太太囉。梁先生話當時曾太好寸咁講：「咩事呀？我有相機呀！」既然傾唔掂一於報警。警察到場睇一睇，冇計啦，因為意外涉及政府車輛，警員話要索償就要同政府打官司。梁生覺得咁麻煩決定唔追究，不過就批評曾太態度唔好，「講到好似我唔啱咁！」
執業大律師陸偉雄話，政府車輛唔可以「私了」，索償對象係政府，其實只係對象唔同，程序一樣，但係唔追究就等同唔要索償。
肥佬黎有今日，全賴阿媽細個同佢講過乜？即睇最新一集《亂噏24》，話唔定幫到你！
http://bit.ly/appletalk24