炒強國復蘇要點揀股？睇番8月製造業PMI可窺一二。官方PMI升到51，創16個月新高，但匯豐PMI得50.1，兩者相差近1個百分點，何解？原來官方PMI的計算方式偏向國企，以及行業中的龍頭企業；匯豐PMI較側重於中小企，故造成上述差異。
由此可見，目前復蘇僅處於起步階段，所以揀股唔使走偏鋒，揀龍頭股就OK。資源價格疲不能興，產能過剩是主因，只要需求回升，就能消化積壓多時的存貨，加上行業整合，有利供應下降，價格自然回升，企業就能賺錢。在城鎮化、保經濟、谷基建的大方向下，鋼鐵業將率先受惠，魏力首選鞍鋼（347）。
上市鋼材股中，上半年得鞍鋼扭虧賺7億元（人民幣．下同），如撇除庫存減值8.4億元，實際是勁賺逾15億元，相比去年下半年輸21.8億元，直情係超級大改善。經營現金流按年大升5.2倍至107億元，經營成本降15.4%，均反映鞍鋼業務已走出低谷。中鋼協數據顯示，上半年鞍鋼庫存大減53%，採購成本則節省逾5億元，可見體質大為改善，為盈利重拾高增長奠下基礎。
鞍鋼的產品主要用於汽車、造船、高鐵、橋樑及煤氣管道，多元化之餘，亦直接受惠城鎮化、智慧城市的發展，炒落感覺實在好多。走勢上，鞍鋼昨突破整固格局，大成交爆上6.4%，勢再起升浪，坐六望七應冇走雞。
魏力
http://www.facebook.com/2012jason
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange