張家輝和導演林超賢前晚到8間戲院為新戲《激戰》謝票，其中一站是尖沙嘴，完場時家輝等現身，觀眾相當驚喜。有觀眾問家輝戲中朱古力肌是否真的，要他除衫驗身，結果由其他戲中演員代勞滿足觀眾。《激戰》上映3星期票房已過3千萬，家輝自爆不時喬裝到戲院看觀眾反應：「搞到我入場睇反應好似成為癖好，好似上咗癮。」
「最好拍談情戲」
問到會否拍續集？家輝聽到就耍手擰頭：「唔好喇，呢個組合OK，但未必係咁嘅題材，最好拍啲談情戲，因為我係靚仔。」另外，家輝近日開工和張學友合演新戲，他笑說：「終於同阿哥合作，捉佢去驗DNA，真係有30幾條一樣，大家都有演戲細胞。」家輝老婆關詠荷之前受訪稱小產兩次，家輝只表示多謝關心，會否再生一切隨緣。
採訪、攝影：馬建華
肥佬黎有今日，全賴阿媽細個同佢講過乜？即睇最新一集《亂噏24》，話唔定幫到你！
http://bit.ly/appletalk24