杜汶澤、蔡卓妍（阿Sa）昨晚到圓方出席電影《超級經理人》首映，阿澤在戲裏由收數佬變經理人，他說：「如果開𡃁模公司唔會良心發現，唔會叫𡃁模工作，推佢哋入房實際啲。」作為前亞視藝人的他，對於亞視昨狂播盛品儒的片段懷念，他說：「我條命生得幾好，時運高睇唔到，不過曹操都有知心友，關公都有對頭人，上次政總佢都有幾十個粉絲，希望佢離開令亞視有光明一日。」
阿Sa昨日下午與鄭伊健在W酒店出席HPV疫苗宣傳活動，伊健與陳小春及錢嘉樂等人正籌備舉行演唱會，伊健指事前會做小手術：「大家想到時身上畫紋身，但我心口有疤痕，最近變大咗，稍後做手術。」
採訪：王連連、卓寶花
攝影：仇志德
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！