港鐵女學徒：開頭想放棄！

港鐵因學徒訓練計劃35周年紀念，先後推出電視版與網上版廣告，網上版廣告主角麥兜以長髮、瘦面、
人形新形象示人，被網民批評為惡搞、破壞童年回憶；
電視版廣告也被批評為美化願景、濫賣溫情，實情是──女主角施巧輝，面試之初根本不知學徒為何物，頭兩個
學期已經打算放棄，全因她有原則，才可堅持至今。

記者：陳芷慧　攝影：陳永威

麥家碧：未有回應

麥兜與港鐵合作已非新鮮事，但今次麥兜這隻儍豬仔在網上版廣告飾演港鐵學徒，卻惹得香港傳媒大肆報道。及至截稿時，YouTube有1,012人給予劣評。實情就是如此，鴻福堂可以跟鬆弛熊混搭，麥兜與港鐵這樣聯乘，網民卻不大接受。網民Matt Li抱怨：「咁多錢賣廣告，港鐵好心就減吓價啦！」又原來，香港人的集體回憶亦不能亂碰亂創新，網民Joseph Yu一針見血：「做咩奪去我嘅童年？……還我麥兜，卡通人物無可能長大，唔通唐老鴨會變老鴨咩？」全港市民的腦袋，至今仍被大堆問話符號盤據，麥兜為何要變臉？只可惜，多番接觸麥兜創作人麥家碧，至今仍未回覆，該公司員工謝小姐只回應一句：「問番港鐵啦。」

有網民惡搞網上版廣告，重新譜上對白，嘲諷港鐵廣告美化廉價勞工。（http://www.youtube.com/watch?v=b3GUhtkvr8o）

港鐵：網民反感始料不及

要過到人，先過到自己，港鐵員工對麥兜新形象有何看法？
記者：記　港鐵商務總監楊美珍：楊
記：
「點解拍咗電視廣告，仲要搵麥兜拍多條內容幾乎一樣嘅網上版廣告？」
楊：
「電視廣告搵施巧輝做主角，因為覺得佢由護士轉當學徒嘅理想轉變好有趣。拍網上版廣告，係為咗吸引更多年輕人，想有唔同版本，於是搵麥兜合作，因為麥兜好受香港人歡迎。」
記：
「合作模式如何？」
楊：
「大概講咗我哋嘅理念，廣告由故事發展、麥兜形象都係創作人麥家碧意思。」
記：
「麥兜變樣，你接唔接受到？」
楊：
「我第一眼睇到嘅反應係，咦？乜麥兜變咗樣，變瘦咗，又長頭髮？我問同事覺得點，佢哋都覺得幾得意，咁我哋又好尊重創作人創作，就照佢意思照辦。」
記：
「好多網民批評變樣麥兜破壞港人童年回憶，有乜睇法？」
楊：
「意料之外！我哋都知道網民嘅批評，但我覺得有討論、有回應同意見先係好，咁先有互動吖嘛！我哋都有跟麥家碧提及過大眾意見，佢解釋改變形象係希望年輕人更易接受。」
記：
「故事細節方面，長毛版麥兜何解畢業後會變肥？點解麥兜畢業後最後一幕會同女仔相遇？係咪想同年輕人講做到學徒，就搵到幸福？」
楊：
「我哋好開放，想百花齊放，完全尊重原創人創作，咁先可以推動本土創作。而最重要係，我哋港鐵學徒計劃嘅廣告，係想畀觀眾更加認識一群幕後嘅無名英雄，想更加拉近同年輕人嘅距離。」
記：
「廣告就係想將學徒塑造成無名英雄，吸引年輕人加入？」
楊：
「唔係，唔係！只係想畀正能量年輕人，畀多個出路選擇佢地啫！」