近日王維基的香港電視及王征的亞洲電視新聞多多，香港電視因遲遲未獲政府發牌，為減慢燒銀紙速度，上月卅日宣佈裁減24名員工，王維基早前接受訪問時，坦言每天花費百萬元支撐電視台運作；而一直被網民要求吊銷牌照的亞視，則因王征操控亞視觸犯電視條例被罰一百萬，執行董事盛品儒也因刪改會議紀錄要辭職下台。
香港電視劇集《歲月樓情》的一班演員黃日華、鮑起靜及唐寧等，前晚在尖沙嘴出席煞科宴，一眾工作人員玩得興高采烈，未因裁員新聞而人心惶惶，其中亞視出身的鮑姐，對盛品儒辭職坦言：「預咗，我信亞視冇咁易死，亞視不死，大問題唔會有，亞視有好多股東，呢邊唔做相信都有人接，好多人想做電視，搵老闆唔難。」會否又是內地人入主？鮑姐說：「應係香港人，咁先獨立唔受干涉，我都想政府快啲發牌，其實𠵱家香港係可以有多幾間免費電視台，有競爭先有進步。」
藝員照上洗腦班
黃日華對香港電視仍未獲發牌繼續批評政府：「唔知點解搞咁耐，唔好令老闆同員工咁辛苦，有啲藝員簽咗約，但劇又未有得出，少曝光對佢哋有影響。」對於香港電視裁員，黃日華謂未有影響士氣：「間間公司都有，只係今次喺尷尬時間出現先俾人討論。」至於亞視的發展，他說：「相信佢哋有新發展，可以運作正常，不過想佢哋製作多啲節目，都想佢哋好。」
此外，亞視在雷競斌頂替盛品儒任執行董事後，蔡國威、亢帥克等藝員昨日如常上演藝訓練課程，但眾人明顯封嘴，只有剛續約的蔡國威說：「都唔希望亞視吊銷牌照，盛品儒走都係跟法律程序，無可奈何。」至於傳逾50名員工辭職，威仔表示不清楚，只知陳啟泰尚有一個月約，正在斟洽中。
採訪、攝影：馬建華、楊潔雯、陳順禎
肥佬黎有今日，全賴阿媽細個同佢講過乜？即睇最新一集《亂噏24》，話唔定幫到你！
http://bit.ly/appletalk24