垃圾始終係垃圾，喺立法會選舉輸咗嘅劉江華，被狼振英政府「回收」，安插咗佢做政制及內地事務局副局長後，以前牙斬斬、寸寸貢嘅佢，當然係屁股決定腦袋。佢接受傳媒訪問嘅時候，話自己雖然經常被形容係「人肉錄音機」，但係呢，佢自己就覺得，「人肉錄音機」係重要喎。
阿爺講乜就做乜
佢話喎，喺政改問題上，有必要重申《基本法》同人大常委決定嘅重要性，又話自己覺得政府官員唔易做，「戰戰兢兢，如履薄冰」。加入咗狼班子之後，佢話仲摸索緊自己嘅角色，其實呀劉副局你使乜嘢咁謙呀，眾所周知，你出咗名係政壇變色龍，總之阿爺講乜嘢，你就做乜嘢咪得囉！
肥佬黎有今日，全賴阿媽細個同佢講過乜？即睇最新一集《亂噏24》，話唔定幫到你！
http://bit.ly/appletalk24