出爐香港小姐冠軍陳凱琳（Grace）、亞軍蔡思貝、季軍劉佩玥及友誼小姐歐陽巧瑩，昨午在無綫電視廣播城會見新聞界，經多月來的排練及比賽，雖得獎表現開心，但各人現出一副殘樣。
身材一直備受批評的陳凱琳，前晚返家後即與父母吃消夜慶祝，且睡得香甜，對於有可能是港姐史上最輕（87.2磅）兼平胸（上圍30吋）港姐，陳凱琳笑言：「唔介意，第一日出嚟已經有人咁講，唔影響心情，我會努力望突破90磅。」陳凱琳最開心當選證明未因身材輸蝕而失獎：「今次係我嘅性格令我贏，相信去其他比賽都可以有好表現。」
平日表現活潑的蔡思貝昨日表情不多，被問到是否屈居亞軍感失望時說：「冇嘢呀，仲消化緊，成件事好唔真實，我冇失望，Grace係實至名歸，我攞亞軍都抵。」向來是非多多的歐陽巧瑩再被爆料指為參選而飛起男友，她否認說：「好無聊，一開始我已經話有男友，關係好好。」
肥佬黎有今日，全賴阿媽細個同佢講過乜？即睇最新一集《亂噏24》，話唔定幫到你！
http://bit.ly/appletalk24