【嚴重個案】
透齒亮牙科診所涉嫌無牌行醫，受害個案越來越多，今年5月參加療程的麥小姐一度被游說脫去四隻牙和磨12隻牙，但是她拒絕，最終接受無牌牙醫建議脫去兩隻牙齒，其間她對醫生的資歷起疑，求助牙醫委員會，得知真相後大為震驚，「我要佢（診所負責人）同我交代清楚，佢同我講，如果我再嘈就告我，個姑娘就話佢𠵱家已經申請緊個牌」。她事後曾經向四名牙醫求診，均確認Sahira剝錯牙。
戴牙套會飛脫
麥小姐指，今年5月底李暢庭為其檢查牙齒後，建議她脫去四隻牙齒和再磨12隻牙，她支付了全費三萬元，翌日再由Sahira覆檢，「佢喺我面前撕爛咗男醫生寫嗰份報告，同個姑娘講，叫佢（李暢庭）聽清楚我講乜嘢，我講最後呢次，佢只係需要剝兩隻牙」。
7月中，Sahira為麥小姐脫去一隻牙齒，原定上月再脫另一隻，其間診所多次改其預約，麥小姐開始對醫生的資歷起疑，並知悉對方原來未有註冊。
另一名受害人劉小姐則接受了Sahira的建議，被李暢庭磨了18隻牙齒，其後發現犬齒及臼齒被磨崩，犬齒更是前後凹陷，多次聯絡診所，惟不獲理會，最終Sahira承諾會跟進和修補。
張小姐（假名）亦是在李暢庭和Sahira建議下脫去共七隻牙齒，「我有反抗，但佢堅持，話我一邊面歪咗唔對稱，點都要剝」。其中一次脫右邊上下兩隻智慧齒，整個過程超過兩小時，「麻醉針都打咗兩支，流咗好多血，佢最後係車爆我隻牙，個醫生仲講粗口」。
事後李暢庭曾為她戴牙套，但佩戴時會飛脫，「後來Sahira再睇我，話『除咗我同你之外，唔好畀人再掂你個牙套』」。
《蘋果》記者
肥佬黎有今日，全賴阿媽細個同佢講過乜？即睇最新一集《亂噏24》，話唔定幫到你！
http://bit.ly/appletalk24