長腳蟹呂慧儀之前瘦身成功後，喺微博貼咗啲三點式泳衣相出嚟騷quali，索到爆，搞到啲男fans個個流晒鼻血。今日31歲生日嘅呂慧儀，唔使大家送禮物，反而佢向大家送大禮，再晒三點式泳衣靚相，今次狀態似乎仲弗過上一次，如果位位壽星女喺生日都賣大包，男fans必定舉腳支持。
返娘家慶生
噚日呂慧儀喺微博貼咗好多張三點式相，佢留言話：「蟹又返娘家了，跟朋友們一起熱鬧熱鬧，踢人落海是生日會必備的環節！從農曆生日一直慶祝到新曆生日，願望是跟我最愛的家人朋友一起過開心的每一天！謝謝哥哥難得的在港跟我慶生，蟹很滿足了！愛你們，蟹很愛你們，有真心的朋友是最快樂的！」
相中見呂慧儀着咗套橙色嘅三點式，壽星女果然夠搶眼，唔單止夠索仲夠弗，隱約見佢肚嘅位置有少少肌肉，身形咁弗唔怪得佢咁大方擺出唔同甫士，除咗影靚相，佢仲同屋企人玩水上活動，再加埋切跳跳虎嘅蛋糕，相信佢過咗一個相當滿足嘅生日。
撰文：馮仁昭
肥佬黎有今日，全賴阿媽細個同佢講過乜？即睇最新一集《亂噏24》，話唔定幫到你！
http://bit.ly/appletalk24