越來越多人用平板電腦，搞到全球個人電腦（PC）銷量跌咗幾季，但聯想（992）就趁勢取代惠普坐穩全球PC一哥位置，主席楊元慶見班手足咁畀心機，逆市都賣到咁多PC，私人揞荷包攞2,500萬蚊出嚟，豪派畀近萬名員工。
華華聽內部員工講，聯想𠵱家全球有4.6萬名員工，今次楊總派彩，惠及20個國家同地區近萬名前線員工，當中海外員工超過1,500人，內地同事獲派2,000蚊人仔，海外員工就攞到325美金。
原來今次已經係楊總第二次派「紅包」畀員工，舊年已經派咗300萬美金，順便話你知，聯想內無論係公司中高層，定係基層員工，薪酬都是主要由兩部份組成，分別係基本工資同業績掛鈎嘅獎金，越是高層，獎金就梗係越多，難怪楊總越來越豪啦。
肥佬黎有今日，全賴阿媽細個同佢講過乜？即睇最新一集《亂噏24》，話唔定幫到你！
http://bit.ly/appletalk24