黎智英、蔡瀾和倪匡主持的《亂噏24》播出後惹起熱烈迴響，現除了逢周四晚上11時播出足本版外，逢周一至周五亦會播出兩節，讀者可於《蘋果動新聞》網頁觀看，打工仔在百忙中亦可聽聽幾位主持亂噏輕鬆一番，錯過了也可在 http://bit.ly/appletalk24重溫。
今集嘉賓絕對是名副其實的重量級，就是為電影《激戰》操出六嚿腹肌的金像影帝張家輝！《激戰》在港上映17日，截至前日已錄得3,000萬票房，當然不少觀眾（尤以女性）是衝着那幀「爆肌」照片而來啦！這樣說對家輝不太公平，因他在戲中莊諧並重，還有點昔日「化骨龍」影子呢！
賤輝話齋：「你行得上台唔好怯呀，怯你就輸咗成世！」家輝在肥佬黎和蔡瀾兩位前輩前絲毫未見畏懼，還猛呻操練大隻慘況：「我呢九個月啲所謂餐單，就係將超級市場買嗰啲雞胸肉，一係蒸熟佢、一係烚熟佢，冇鹽冇油冇糖。揼落攪拌機度整爛佢『飲肉』囉！」導演林超賢踢爆家輝偷食實錄，試過漏夜蒙面落街喪隊牛肉。看來練大隻都要代價！
感激亞視栽培
家輝近年拍文藝片居多，大家（包括肥佬黎）最關注他會否再扮演搞笑角色，又或者返無綫、亞視（如果有得拍）拍電視劇，家輝不置可否，只說：「我自己唔抗拒搞笑片，如果又要我去用同一個pattern、同一個angle去做過咁多次嘅舊事情，我又唔覺得有衝動想去做。」蔡瀾笑問：「畀足錢你咪收囉！」家輝「化骨龍」上身：「錢唔係咁收法，啲錢咁收，袋唔穩。」至於拍劇，他擔心未必能習慣拍攝模式，但又嚮往昔日一大班人嘻嘻哈哈的日子。不過，他還是感激亞視栽培，說到底，他在那裏出身。
撰文：馮國康
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！