亞視好花弗嗰位高層盛品儒辭咗職，加上出現員工逃亡潮，網民又力撐釘牌，萬一真係成事，一班亞洲之子同佳人咪要另謀高就囉？
咁一哥陳啟泰就唔愁，唔撈亞視，咪憑住當年主持過無數集嘅《百萬富翁》，轉行開補習學校教通識囉；又或者幫瓦努亞圖做旅遊大使；甚至可以同劉錫賢、姜皓文同林韋辰重組亞視F4，印度F4。而伍偉樂主持咗N年兒童節目主持，咁了解小朋友，開幼稚園都應該掂。林韋辰就回到未紅前，玩搖搖。
至於女藝員方面，朱慧珊姐係亞姐鼻祖撈咩好?佢上個月尾甩底亞視喺政總嘅行動，即被邀請上節目《ATV焦點》解釋，一於轉營斬燒豬啦。開張時，再秉承亞視良心電視台嘅忠旨，搞個買一送一大酬賓，街坊實LIKE爆！陳蕾就負責送外賣，記唔記得佢舊年為趕上洗腦班，空肚踩單車。雖然暈咗，但都叫有一技之長，唔好浪費。
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！