現年43歲的劉若英（奶茶）前晚假九展Star Hall舉行「幸福就是…黑色」演唱會，前年嫁作人妻的奶茶戰衣十分保守，以黑短裙襯薄紗隱約透出雙腿，在港開處女騷的她心情興奮大晒廣東話，不過，奶茶的半桶水廣東話卻搞出笑話，當螢幕播出她20年前舊相時，奶茶笑問：「我𠵱家係咪淫（型）啲？」全場爆笑。
自嘲難相處
雖然在港開騷很大壓力，但奶茶仍努力演繹廣東歌，她說：「我本來想唱《海闊天空》，但太多人唱，《陀飛輪》又好難唱，最後揀呢首係我嘅心聲。」奶茶隨即唱出陳奕迅的《K歌之王》，全場觀眾大合唱，她感動到眼濕濕。奶茶自嘲難相處，問觀眾想她做甚麼？有男粉絲大叫：「要你做我老婆！」奶茶笑說：「唔好意思，唔得閒。」
此外，奶茶在台上多謝恩師張艾嘉，坦言自己在她面前不想長大，奶茶又自爆未唱歌前做了兩個月羅大佑助手，她說：「嗰時喺街大聲唱人哋啲歌，當時諗幾時人哋唱我嘅歌，雖然辛苦但好回憶。」全場觀眾拍手支持。
採訪：胡比
攝影：黃文偉
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！