歐資證券行瑞信（CS）近月好多分析員離開，搞到「細價股揀股王」劉紹文（Kenny）忙咗好多，聽聞，佢除咗睇細價股之外，仲開始要幫手睇埋濠賭股。照咁睇，佢遲啲可以被叫做「炒股揀股王」㖭喇。
瑞信今年有多名資深分析員被挖角，專睇科技股嘅張永恒（Wallace）被阿里巴巴老闆馬雲睇中，邀請佢去阿里做投資關係部（IR）阿頭，為上市做準備。入行21年、專睇地產股嘅證券研究部董事梁啟棠（Cusson）11月就會去摩根大通報到。
據聞，睇開賭股嘅Gabriel Chan兩個月前亦都去咗另一間歐資證券行返工。話晒賭股都多投資者關注，點都要搵個資深嘅大佬睇住下面啲資歷較淺嘅同事寫報告，瑞信於是搵劉紹文幫手睇埋，要佢兼顧多一瓣。
行內人都知，劉紹文有個「ANALYST」車牌，呢位分析員應該真係名不虛傳。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange