家長舊生力撐:勿小題大做

家長舊生力撐:勿小題大做

【本報訊】小學教師林慧思因向警員說粗口而被左派批評「教壞學生」。她18年前任教的舊生及寶血會培靈小學的學生家長齊為老師平反。他們指社會不應為幾句粗口小題大做,甚至令教育界失去一位敢於為正義發聲的好老師。
阿Jo現年28歲,18年前在天主教善導小學念五年級,林老師是她的班主任,「細個俾阿媽迫我紮辮,佢話除咗條辮就唔畀飯我食,我喊住搵林老師,老師就幫我除咗,仲話叫阿媽入佢數」。她指林老師用心了解學生。

「林老師係做正義嘅事」

阿Jo中學時曾到外國讀書六年,「返到香港冇咩朋友,老師會帶我做話劇,又介紹我做義工」。她指舊生聚會亦會邀請林老師,「佢同我哋係亦師亦友,如果佢唔教大家都會好可惜」。
培靈小學家長張先生的一對「孖仔」皆為林老師的學生,「我兩個仔好百厭,林老師冇放棄過去輔導佢哋」。他認為,不應單憑今次事件否定她的教學成就。「我會同兩個仔講,林老師係做正義嘅事,講粗口肯道歉好正面,好過特首同好多高官永遠唔認錯」。他希望兩個兒子「繼續俾林老師教」。

有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange