通訊事務管理局早前公佈有關控制及管理亞洲電視的最後調查報告，並向亞視罰款最高100萬元，以及指令今日前終止執行董事盛品儒職務，盛品儒前日在期限前辭職，亞視宣佈由雷競斌接任。
對於盛品儒冇得留底，陳啟泰昨日在電話中說：「盛生辭職係廣管局判決，一定要遵守。」陳啟泰跟亞視合約還有一個月，對於去向，他說：「有傾過，但我唔想留低做冇增值嘅節目，亞視有同我傾續約，仲話加人工，但呢個唔係重點，我想佢開劇。」前日約滿亞視的林韋辰昨日也說：「盛生走係依法行事，要尊重法律，冇辦法。」亞視近日爆逃亡潮，但合約藝人姜皓文卻可外借，日前還替有線錄影節目。
羅力威：戥朋友陰功
亞視出身的羅力威昨在屯門出席活動，他談到亞視變動時說：「真係一聲嘆氣加無奈，我祝佢哋大家好運，間機構嘅嘢我唔多講，但都戥啲朋友陰功，希望大家搵到好嘅收入養家。」
採訪、攝影：何慧斯
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！