早前叫大家留意的彩星玩具（869），業績一如預期靚爆鏡，績後恐慌性洗倉後極速收復失地，成功消化累積已久嘅超買壓力。現價年度化市盈率僅6倍，要升穿今年高位2.36元難度不大。
除彩星玩具外，其母公司彩星集團（635）亦值得留意。彩星集團現時持有彩星玩具58%，以彩星玩具上周五收市價2.16元計，市值達14.6億銀，已相當於彩星集團市值近八成。彩星集團擁有多項工商及住宅項目，當中包括位於自由行必到的廣東道彩星集團大廈、中半山麥當勞道多個住宅單位等，上半年相關租金收入增近倍至1.05億銀，連同玩具業務大翻身，中期盈利增長31%至6.6億銀。由於手頭件件正貨，彩星集團每股NAV高達20.3元，現價8.02元，折讓幅度高達60%，變相四折大平賣。集團業績後急不及待進行回購，兩日已回購近100萬股，作價介乎7.95至8.2元，雖然今年累升36%，但集團依然咁積極出手，看好後市之心表露無遺。
睇圖表，彩星集團一直守穩50日線（現處7.9元），戰友可以此作入市參考價，隨着彩星玩具越做越強，阿媽彩星集團肯定受惠，係咁易用PB 0.5倍作目標，中線可見10元。
唐牛
肥佬黎有今日，全賴阿媽細個同佢講過乜？即睇最新一集《亂噏24》，話唔定幫到你！
http://bit.ly/appletalk24