囤地波舊年中為加入政府做官，辭去經濟日報（423）獨董一職，以囤地波過去一年嘅表現嚟講，呢個調動應該絕對唔係經濟日報嘅損失。經濟日報最近亦都搵番個政績優良嘅前高官做獨董，咪就係上屆政府做過食物及衞生局副局長，𠵱家係香港大學醫學院院長嘅梁卓偉囉。
袍金每年14.8萬
梁卓偉「處男下海」做上市公司獨董，可能係接替6月冇做嘅另一位獨董關家明。有趣嘅係，上市公司公佈委任新董事，通常簡單講佢之前喺乜嘢機構，做過乜嘢職位就算，經濟份通告就用咗唔少篇幅講述梁卓偉喺政府同醫學界嘅成就，包括奠定沙士同甲型H7N9兩種新型流行病毒嘅流行病學。
不過梁卓偉上月中先至話，做港大醫學院院長任期內，會百分之二百全心全意做好院長工作，咁點解又走去做上市公司獨董呢？經濟每年畀梁卓偉14.8萬元袍金，斷估唔係因為錢啩。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange