【本報訊】黃創山曾是香港頂級富豪、家族身家勁過李嘉誠。奈何97年的金融風暴令其在港銷聲匿迹，但鄭裕彤打救加幸運之神眷顧得以逆境重生。《蘋果》前往泰國專訪這位已成曼谷鐵路大王的香港過氣富豪。政務司長林鄭月娥3天後訪泰之旅，也會就高架鐵路向他取經。
記者：梁美寶
現年63歲的黃創山，曼谷出生，13歲來港讀書，父親黃子明是泰國富豪。8、90年代黃家風光一時，94年《福布斯》雜誌計算黃家身家近35億美元（約273億港元）。當年，李嘉誠有33億美元（約258億港元）。可惜一場金融風暴遭沒頂，揹上巨債，「實際上我係冇欠任何人錢，只因我係擔保人，孭晒公司啲債。」黃創山說。
感謝鄭裕彤注資
一夜間，頂級富豪變成過街老鼠，旗下公司、食肆慘被銀行、菜檔、肉檔追債，回想落寞當年，黃笑言：「當時梗係驚，始終未試過俾銀行咁追錢，但間祖屋就從來無事，唔信你查下張屋契，無花過。」
債務沉重，不得不忍痛割愛，結束本港生意，返到曼谷投資首條兼唯一的私營架空鐵路（BTS），99年更得「彤叔」打救。鄭裕彤親自到曼谷洽談合作，注資約13億元入股，得貴人相助及幸運之神眷顧，生意有所起色，因當年曼谷塞車嚴重，令鐵路乘客量益增。
黃創山兒子黃瑞耀形容彤叔有義氣和Friendly：「彤叔個腦好似有部計算機咁，唔使你計數，試搭鐵路就覺得有潛力。」
不回港東山再起
他透露，當年長實亦派出霍建寧到曼谷要求合作，斥資入股價錢差不多，但因彤叔與爺爺黃子明是老友，最終決定跟彤叔合作，黃瑞耀續說：「有次阿爺在球場，有個傻佬拿棍入來扑了阿爺一下，彤叔剛好在前面定後面幫手。」近年，黃家已將彤叔有關股份購回，足證彤叔當年友情相助。
有了財團注資，黃創山放膽大展拳腳，結果鹹魚翻生，現時曼谷的BTS共有約30多公里長，共31個站，未來4年可增長至70公里長，黃創山將投資1,200億泰幣（約300億港元），擴大其鐵路王國。曾在香港跌倒的他，會否回港東山再起？
他說：「香港做Project比較困難，機會唔一定畀到我呢類中型企業，香港講親都係千億嘅投資，我𠵱家300幾億已經做得到。」
肥佬黎有今日，全賴阿媽細個同佢講過乜？即睇最新一集《亂噏24》，話唔定幫到你！
http://bit.ly/appletalk24