【第41屆港姐競選之爭獎奇兵】無綫《2013年香港小姐競選》決賽今晚在將軍澳電視廣播城舉行，將誕生冠、亞、季軍及最上鏡小姐。決戰前夕，佳麗為飛上枝頭，各出奇謀，1號張敬仁返母校向師妹埋手拉票，20號陳偉琪更出動契爺去信傳媒求票，硬撼有auntie車淑梅在社交網拉票的大熱17號陳凱琳。
港姐決賽今晚9時舉行，無綫直播，昨日十位候選佳麗穿上三點式泳衣在電視城綵緋，現場所見，大熱15號蔡思貝和17號陳凱琳依然狀態大勇，有機會問鼎三甲，而1號張敬仁及6號劉佩玥的狀態也大幅提升，尤其劉佩玥大有黑馬之勢！7號沈桂澄、16號徐韶蓓和20號陳偉琪則因逼爆上圍成為焦點。昨日大會讓佳麗在泳衣內加墊，不過部份佳麗出場時不慎移位，且有下體現形情況出現。
1號張敬仁有師妹撐
由於今年賽制觀眾投票及大會評判評分各佔百分之五十，故佳麗都甚為緊張觀眾投票，大家都在自己的官方平台拉票，其中1號張敬仁在觀眾投票上一直位列前五名，但似乎仍不放心，有指她曾返母校德望中學向眾師妹拉票，昨日張敬仁被問到此事時說：「我好開心中學啲師妹都支持，但我冇乜點返過學校，只係之前有佳麗話聽佢妹妹講啲同學好支持我，試過喺fansbook有啲師妹留言支持，仲叫我加油。」對於被指泳裝出現下體現形，她說：「本身有pad，可能係行嗰陣移咗位箒，聽日會小心啲。」
曾多次聲稱會叫親戚朋友投票的20號陳偉琪，雖曾反口指自己甚少朋友在港，但昨有一名自稱是她契爺Eddie的男士去信報館，叫所有人投她的一票，陳偉琪昨承認有名叫Eddie的契爺，她說：「拉票好正常，我啲屋企人都有叫人投票，我諗佢唔會做呢啲咁嘅事，可能有人假冒佢，佢唔會用呢個方式咁做，而且我絕對冇叫人咁做，亦唔需要咁樣去拉票。」
車淑梅籲投世姪女
至於被視為大熱的17號陳凱琳，雖廣受觀眾支持，但原來她住在溫哥華的媽咪是車淑梅的好友，車淑梅近日頻頻在facebook為世姪女拉票，呼籲朋友投陳凱琳一票。不過陳凱琳的是非依然不斷，昨再被爆料指她性格差兼機心重，且有指在加拿大唐人街餐館打工的陳媽媽生下她與龍鳳胎弟弟，但二人並非陳爸爸親生，陳凱琳昨否認說：「完全冇呢件事，我係爸爸媽媽親生，媽咪婚前有返工，婚後做家庭主婦，我唔方便講佢做過乜嘢工，但一定唔係餐廳。」又有指她家住九龍塘獨立屋屬富家女，陳凱琳說：「我只係中等家庭，係住嫲嫲屋企。」有否影響比賽心情？她說：「唔會俾呢樣嘢影響，我對自己好有信心。」而車淑梅昨在電話中說：「唔係陳凱琳叫我拉票，佢係我世姪女，好乖，我自發支持佢。」
另一大熱15號蔡思貝沒出招拉票，當被問到對得獎信心時說：「又問呢條問題？好多人覺得我參選似玩玩吓，其實我好認真，可能我俾人感覺好嘻皮笑臉，我只係想令自己輕鬆啲。」
採訪：何慧斯
攝影：仇志德
【話你知】觀眾可選兩位佳麗
隨着民意越來越重要，港姐今年繼續玩全民普選，但與去年略有分別，與準決賽時一樣，觀眾透過TVB Fun手機程式投票，與由鍾嘉欣及林𥧌等藝人名人組成的大會評判團分數各佔佳麗總分百分之五十，觀眾在上周日準決賽晚11時開始投票，截止時間為今晚10時30分，觀眾可選出一至兩位心水佳麗，凡投票的觀眾可參加抽獎，有機會贏價值90萬的內地洋房。而為增加刺激性及可觀性，無綫將會即場公佈所有分數及票數。
肥佬黎有今日，全賴阿媽細個同佢講過乜？即睇最新一集《亂噏24》，話唔定幫到你！
http://bit.ly/appletalk24