娛樂圈一直有個未經證實的傳言，電視藝員很難在電影圈立足，因為在電視可以免費見到的演員，何解要觀眾出錢買票入場？馬國明說：「我都有聽講，之前有好多前輩講過，如果真係要拍電影，需要收埋自己一段時間，我諗要啲時間，但係𠵱家個分別唔係好大。我同鎮宇哥拍劇嗰陣都有傾過，佢話只係觀眾覺得箒，當然電影同電視係兩套語言，電影係導演主導多啲，電視反而係演員主導，不過喺拍攝上嘅問題反而唔大。」
舞台劇都想試
馬明續說：「𠵱家我只係抱住一個學習嘅態度去做，咪當學吓嘢，但係對我嚟講，彈藥多咗，自然信心都多咗，今次拍電影只係第一部，仲有好多嘢想試，太多角色未做過，有機會仲想玩舞台劇，我希望越嚟越多機會試新嘢。」
最近不少小生花旦相繼離開無綫外闖，問馬明會否有這一日，他說：「我個人比較穩陣，始終我有負擔，除非你去到某一個位置，做到人哋願意等你，而唔係好似搵你馬國明唔得，咪搵邊個邊個囉，或者等我儲多啲籌碼先啦，況且公司對我好好，好多時畀好多好嘅角色我去發揮，真係好錫馬國明。」
肥佬黎有今日，全賴阿媽細個同佢講過乜？即睇最新一集《亂噏24》，話唔定幫到你！
http://bit.ly/appletalk24