【本報訊】黃創山是最先把白龍王引入香港社交圈子的人，開創了白龍王神話。過去30年來，黃創山歷經風浪起伏，一場金融風暴，使他的人生直插谷底，正因如此，白龍王那句「你命運唔應該咁樣」令他刻骨銘心，如今師傅仙逝，再次勾起串串回憶。
記者：張 軍 林 熊
與白龍王周欽南結緣已是30多年前，黃創山憶述，在泰國surachai一間齋堂認識白龍王，該齋堂供奉白、金、青龍王替善信消災解難，三龍王本來相安無事，30多年前不知何故，各自分家立廟。或許是緣份，黃篤信白龍王，對於另外兩位王，他說：「唔係咁熟。」
「師傅好錫阿倫」
自稱白龍王託世的周欽南身世神秘，黃創山指自己所知也不詳，只表示白龍王曾講過自己做過維修單車。但能肯定的是周欽南目不識丁，但顯靈時卻變得滿腹經綸。「喺齋堂時認識師傅，佢冇乜讀過書，唔識字，但當佢請白龍王上身，佢就變得好叻，又識念經，講道理，仲識寫毛筆中文字，手字寫得好靚。我信，就覺得佢好犀利」。
85年，黃開設第一間天天漁港酒樓，邀請白龍王到香港主持開幕儀式，順道介紹給當時朋友及股東譚詠麟、陳百祥、曾志偉及苗僑偉等人，漸漸地有傳白龍王相當靈驗，走紅香港及台灣，眾多明星中，白龍王愛錫阿倫：「師傅好錫阿倫，提他要小心點，之後會有個好兇嘅車禍、好難避，仲畀埋個佛公阿倫戴，結果阿倫都有小嘅車禍，之後真係好信。」
教林伯買首幅地
97年金融風暴，黃創山事業陷入低潮，債主臨門，他曾求教白龍王，「當時師傅安慰我，話你嘅命運唔應該咁樣」。近10多年，黃多在泰國生活，但與白龍王總緣慳一面，他同樣歸咎於「緣份」。4年前白龍王抱恙，他本打算抽空探望，但沒成行。白龍王去世時他在香港，閱報才知死訊。
30年前，黃創山已引薦已故富商林百欣認識白龍王，林視白龍王如家中風水師，言聽計從。他說林伯在香港投第一幅地時，邀請白龍王給意見，「當時師傅話一定要做！幾多錢都一定要做！話係麗新發展地產項目嘅新里程。結果就由嗰幅地開始」。那幅地便是位於荔枝角的麗新大廈，由那幅地起，林家開始投資地產，身家暴漲。
肥佬黎有今日，全賴阿媽細個同佢講過乜？即睇最新一集《亂噏24》，話唔定幫到你！
http://bit.ly/appletalk24