突然間樓市變成唔跌唔得，一眾分析員和地產代理高層均預期樓價今年跌一成至一成半，更嚇人的預測是兩年跌五成，老樓不知他們所持的理據為何，歸納均為息口升、供應增和美元升值三重夾擊，形成樓價下跌周期。
在樓價下跌周期中，扮演最關鍵角色的銀行界暫未見有行動，若連銀行亦收緊按揭及向客收回信貸，這才會加劇樓價下跌趨勢；於98和08年兩次周期，銀行那收緊信貸的狠毒行動，令高槓桿超買物業的投資者死於銀行手上，物業變成銀主盤的連鎖反應。
最壞時刻今年不會出現
日前同銀行高層閒談，他們認為按揭生意的確好難做，旗下按揭部員工亦有流失，但還未到最差環境，最重要是自年前開始收緊豪宅按揭後，好多客戶按不足四成按揭額，但樓價只下調一成，未到資不抵債最惡劣時刻，接回來的銀主盤數量只是每月一至兩宗；2011年金管局厲行壓力測試和收緊九成半按揭，當時置業者大部份為優質和還款期準時的客戶，銀行未致要重估物業價格以填回差額按揭，故最壞時刻相信今年內不會出現。
既然銀行仍會爭做按揭生意，對有現金兼供款未有超額的市民仍會按足數，樓價再大跌機會始終有限，若外圍真的一如所料明年才加息，未來一年多樓價只會窄幅上落，發展商以市價賣樓居多。
劉兆昌 資深地產傳媒人
http://www.HKLau.com
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange