憑着一份堅持不放棄的信念，張氏兄弟在樂壇走過20個年頭，張崇德說：「希望畀到鼓勵其他同行嘅人，要行呢條路唔容易，好多時候唔係你可以控制，唱得好、演得好都只能做好本份，要好多嘢配合先做到好，我哋都係用另類方法先做到，因為冇放棄過。」
張崇德亦不忘以自己經歷鼓勵時下年輕人，他說：「𠵱家網上世界有太多人發表意見，有時講啲傷害咗人嘅嘢，咁自己又可以做乜嘢呢？唔好理人，做好自己，人哋講嘢有時會係啱、有時係錯，唔好太介意人哋批評，繼續行落去，好似我哋例子，曾經有段時間都試過俾人睇死，踩得幾應，但係自己都唔相信自己時，點解人哋要相信你呢？」就像05年只開一場的紅館演唱會，連主辦商都說從來沒人只做一場都能賺錢，最終令看扁他們的人也大跌眼鏡。
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！