雖然張名雅是家中獨女，張家的掌上明珠，但她卻非要風得風要雨得雨，張名雅表示自小家教很嚴，張媽媽不會對她百般遷就，她說：「我細個好瘦，唔鍾意食嘢，成日都冇胃口，嗰時我覺得食物好討厭，唔肯食嘢，去茶樓飲茶，我冇食嘢，飲完茶覺得好口渴，就叫阿媽買嘢飲，佢唔肯，仲叫我自己去麥當勞搵人攞水飲，但係我又細膽又怕醜，唔肯自己去，我媽就叫我自己飲自己口水。」
襯番阿媽
除此之外，張媽媽亦不會將名雅當作公主看待，更不准許她留長頭髮，張名雅說：「細個我所有相都係冬菇頭，我阿媽唔畀我留長頭髮，佢話長頭髮會吸晒我所有嘅營養，我𠵱家睇番佢都係冬菇頭，我懷疑佢自己係冬菇頭，想我襯番佢，所以唔畀我留長頭髮。」
獨女遇上怪獸家長，張名雅好可能會變成失衡的年輕人，幸好張爸和張媽教導有方，張名雅說：「本身個人遲熟又膽小，但喺屋企都唔會特別保護我，喺我Grade 8嘅時候，我已經開始幫人補英文、數學、日文同普通話，之後越來越多人搵我補，後期我周末就去咗銀行做，又去過電視台做主持，屋企乜都會俾我試，所以雖然我係獨女，但都可以好獨立。」
撰文：楊潔雯
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！