如果入行20年仍有人問：「喂！張崇A同張崇B，邊個係阿哥？邊個係細佬呀？」然後有人會將崇字寫成祟字，還能笑得出嗎？張崇基跟張崇德笑得出，還大方地糾正你，弟弟張崇德會笑住說：「佢係張崇基，阿哥喎，黑『蚊蚊』嗰個，黑基呀，個崇字唔好寫咗鬼鬼祟祟個祟字呀。」然後張崇基說：「都係打字嘅錯，按錯掣揀錯字。」如此豁達，只憑對音樂不放棄的態度，那管「而我不知道誰是張崇基和張崇德。」
撰文：胡比
張崇基和張崇德兩兄弟於1993年組成二重唱，參加新秀最後獲得冠軍，以為從此踏上星途，誰知路比任何人都崎嶇，人事變動，唱片公司倒閉，之後轉做幕後，但幕前的那團火從未熄滅，01年小試牛刀，在不被看好的情況下推出翻唱歌hifi碟，還被罵貶低翻唱hifi者，卻又出奇地做出成績，張崇德不禁笑言：「邊個估到十年後個個都係咁做，只不過我哋行早人哋一步。」他們坦言當時只想找一個生存空間，沒有多想得與失。
開騷被質疑
轉眼入行20年，張氏兄弟決定今年10月20日在伊館同日舉行兩場日與夜的「基會難德20周年慈善紀演唱會」，伊館是他們首次舉辦演唱會的場地，再次踏上這舞台，感觸良多，張崇德說：「第一次開演唱會喺伊館，都係兩場，今次再開好有紀念價值，記得第一次做演唱會，人哋唔睇好，啲人仲同我哋講，你哋唔好咁儍喇！哈！就係儍到可以喺紅館開過兩次演唱會。」
張崇德續說：「今年再做都仍然有人話，搵贊助商時啲人話：『唔係呀！佢哋呢排有乜嘢hit歌？拎過乜嘢獎？又冇乜喺電視出現，知名度唔高，又冇乜曝光率，做乜嘢演唱會？」他們就是要印證不一定要拿很多獎項，有一定的知名度才能成功開演唱會。
穿越崎嶇路
回顧多年來的堅持，張崇基坦言：「回顧20年，好感恩，好似遇到好多崎嶇，但慢慢一步一行，好似一道門關咗，又有另一道門開住等我哋，只有堅持，經歷咁多都學咗好多嘢，初時只係因為鍾意唱歌去參加歌唱比賽，後來學到音樂製作嘅嘢，真係累積學番嚟，相信好多只係做歌手嘅朋友未必會知，因為我哋咁行先會知，唔知可以行幾耐，但鍾意音樂都會繼續堅持，如果有機會繼續唱歌，可以喺音樂事業發展，都會繼續行。」
今天總算殺出一條屬於張氏兄弟的血路，他們坦承任何時候也可放棄，就算不唱歌也不會餓死，他們擁有自己的公司，俗語的「搵到餐食」，根本不需聽人家的閒言閒語，只因愛音樂，與歌迷分享音樂成為動力，一起繼續開心行人生路，共同擁有值得回味的演唱會，何樂而不為。
化妝：Ranson of Beauty Tech
髮型：Kenji Ng of IL Colpo
場地提供：IL Colpo
肥佬黎有今日，全賴阿媽細個同佢講過乜？即睇最新一集《亂噏24》，話唔定幫到你！
http://bit.ly/appletalk24