盛女周麗淇（Niki）昨日34歲牛一，前晚跟同是處女座生日的張智霖（Chilam）、袁詠儀（靚靚）、上山詩鈉及圈外好友，到中環食意大利菜慶祝，林峯帶女友吳千語高調到賀大晒恩愛，之前林峯在橫店為now拍新劇《大漢賢后衛子夫》跟女友分隔異地三個月，現劇集煞科終可返港交人，即跟千語BB秤不離砣出席派對。
Niki感情隨緣
Niki跟林峯拍完《大》劇後成為朋友，她跟林峯和千語BB、Chilam和靚靚兩對合照留念，前晚到賀的圈中人包括周汶錡夫婦、謝天華夫婦、伍詠薇夫婦、蔡一智夫婦、鍾鎮濤夫婦等均雙雙對對，盛女Niki昨生日都要為雜誌影相，她昨在電話說：「生日願望係身體健康，世界和平唔好打仗，感情就隨緣，以前好抗拒朋友做媒人，𠵱家冇所謂，但都係事業為重。」對於林峯帶女友出席，Niki避答：「我都有請黃宗澤，佢開工嚟唔到。」
Cool魔張智霖跟老婆靚靚合切一個蛋糕，他捉着老婆的手臂分享喜悅，Niki還興奮到Ｏ嘴賣萌。周汶錡跟妹妹貼面嘟嘴合照，在微博留言祝福：「我的可愛小妹，祝妳生日快樂。」蔡一智也帶太太出席恭賀，大讚兩位周氏美人同樣美艷，但指Niki瘦得可憐：「本來已經很瘦的，但從橫店歸來的壽星女仲可以更瘦，楚楚可憐，祝願生日快樂，快啲食番肥啲。」
採訪：林妃
肥佬黎有今日，全賴阿媽細個同佢講過乜？即睇最新一集《亂噏24》，話唔定幫到你！
http://bit.ly/appletalk24