黃貫中經常成為頭條人物，與Beyond兄弟黃家強不和，與傳媒鬧不快等，做其背後的女人一點也不易，但朱茵永遠支持這位「戰狼」，她說：「我哋呢個係是非圈，所有嘢唔好咁上心，我直頭去到唔聽、唔睇，我支持佢做自己開心做嘅嘢，唔好太介懷，有啲是非越描越黑，唔解釋仲好。」
朱茵會否介意被指未婚懷孕？她說：「每個人都有口、有諗法、有睇法，做咗父母後，知道凡事唔一定有對錯，你覺得啱、適合咪去做，任何人講任何嘢都有佢哋權利，但每個人都有空間成長，每個階段有唔同睇法，做咗父母後，我對生命睇法都唔同，咁係咪以前錯，唔係，大家都要進步向前行，如果你只拘泥於以前嘅嘢，個人會唔開心，我唔會理咁多，做番我自己。」至於會否再追生B，朱茵說：「隨緣啦，既然第一個唔計劃，第二個我都唔計劃。」
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！