周中一輪日聯快車，各隊為搶分全力進攻，9場中有7場開出「大」，而我有份參與直播的川崎前鋒對大宮松鼠，兩隊雖在首10分鐘已攻入3球，但餘下的時間卻是毫無進賬，真令我氣結！
本輪賽事依然有焦點對碰，當中有廣島三箭對FC東京，三箭近期欠態，守不住榜首，上盤有危機！三箭已連續3場聯賽失分，早前主場對名古屋鯨魚，以為他能輕取對手，豈料和局收場；其後面對榜末的大分三神，也只能賽和。及至上輪對第15位的甲府風林，更是輸波而回，表現完全走樣；主要原因可能是過份倚重首席射手佐藤壽人，他一旦缺態，全隊便告火力大減。今場初盤只讓平/半，反映莊家對主隊信心不足，之前幾場主場也開半/一盤，讓得較今仗為多。
作客的FC東京近4場兩和兩負，近態不比主隊好，但整體上仍算攻力不俗；周中主場對鳥棲沙岩，一度落後0:2，直至84分鐘追和，以為可袋回1分，怎料1分鐘後又告失守，最終輸2:3全失3分，但球員盡現搶分鬥志；其中渡邊千真上場有進賬，暫有16個聯賽入球。
近5聯賽作客不敗
FC東京作客成績為3勝4和5負，不敗率過半，近5場聯賽作客亦不敗，當中曾與前列的紅鑽踢成2:2，今場受讓平/半可敲下盤。
同日另一心水為已8連敗的大宮松鼠，主場迎戰「1哥」橫濱水手。水手陣中老將較多，頻密賽程不利；而松鼠近期則有「高佬」路華高域復出，前線表現不錯，這場有機會反底，受讓平/半可博下盤也！文：Wendy
有線球彩台主持
mailto:[email protected]
肥佬黎有今日，全賴阿媽細個同佢講過乜？即睇最新一集《亂噏24》，話唔定幫到你！
http://bit.ly/appletalk24