李寧（2331）前CEO張志勇舊年7月「被引退」後，雖然仲係執行董事，但係已經好少公開露面，工作冇咁繁忙，佢咪積極沽貨套現，袋多啲錢旁身囉。佢由4月至今密密沽貨，仲要一路沽，李寧股價都有得升，五個月內套現超過5,400萬元。
翻查紀錄，張志勇由4月15日展開減磅行動，當時沽貨平均價只係4.15元，但去到噚日港交所權益披露顯示，張志勇喺本周二再減持70萬股李寧，平均價已經升到5.69元，短短四個幾月足足升咗37%。
照咁睇，張志勇其實沽早咗，不過唔緊要，佢仲有946萬股李寧，最新持股量由4月嘅1.97%，減到得番0.69%，呢批貨噚日市值超過5,430萬元，日後沽埋張志勇就變成億萬富豪了。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange