（樂）熱刺球星加里夫巴利以天價8,600萬鎊，去西甲皇家馬德里就快成事，但係熱刺已經入定貨，為呢位巨星離隊做好準備。日前佢哋已經用咗3,000萬鎊（約3.6億港元），由羅馬購入阿根廷前鋒拉美拿（圖）。唔單止咁，熱刺仲差唔多完成850萬鎊買布加勒斯特星隊後衞捷利卓斯；球會主席利維周三仲飛去荷蘭，同阿積士傾以1,200萬鎊羅致丹麥中場基斯甸艾歷臣。一個換3個，仲剩3,550萬鎊落袋，真係好識做生意。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange