媽模Mia﹝陳靜儀﹞近日同前夫莊家傑互相隔空數臭，莊家傑力數Mia曾有姦夫及整容，雖然Mia話只係打過Botox。但回想起佢變臉前，係私影奀模 ，另一半係自稱屋邨仔嘅前夫莊家傑。而家變臉後，升呢電影女主角，另一半都升咗呢，係富二代。變臉前後嘅分別，真係會想起高登一位巴打的名字「你的樣子如何」。
其實娛樂圈中，都有唔少變臉前後，分別好大嘅𡃁模，好似經常被巴打「你的樣子如何」貼舊照嘅Angelababy，見到佢當年嘅相，點會估到而家成為大家嘅女神呢。仲有混血E神Monna，06年參選工展小姐時，面闊鼻扁雙目無神，當選工展小姐亞軍之後，即刻大翻新出寫真，如果而家參選，攞冠軍都冇難度呀。
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！