（哀）利物浦前鋒蘇亞雷斯（左）上季因為「咬人事件」而被停賽10場，今季季初所有正式賽事都要做觀眾，扭計嗌走又走唔到，感覺一定好難受。不過，睇番利記賽程，佢復出第一戰可能仲難頂；因為利記9月24號或25號，會喺英聯盃第3圈，作客死對頭曼聯；計番條數，阿蘇正好停完賽，可以上陣踢呢場「雙紅會」。咁就大鑊喇，因為佢不嬲都同紅魔有牙齒印，主場球迷仲唔噓死佢？至於曼市另一支球隊曼城，第3圈就會對英冠嘅韋根，上演上季英足盃決賽翻版。
肥佬黎有今日，全賴阿媽細個同佢講過乜？即睇最新一集《亂噏24》，話唔定幫到你！
http://bit.ly/appletalk24