無綫劇《衝上雲霄II》平均收視超過30點（約193萬觀眾），衝着張智霖（Chilam）飾演的Cool魔而看的不計其數。劇中有名言「我都係鍾意同女人切磋多啲」的他，今次深入虎穴與兩名大男人黎智英、蔡瀾一齊亂噏，不能單靠在鏡頭前扮瀟灑過骨，惟有分享其處世之道，就是慢活及一切唯心造，機會自然來。蔡瀾預料他會在事業再上雲霄，現只欠一些際遇。《亂噏24》逢周四晚上11時播出，可在http://bit.ly/appletalk24重溫。
撰文：馮國康、Sidekick
相信熟悉無綫劇《衝上雲霄II》中Cool魔性格的讀者，都知他習慣在最後一刻先出現。不過，張智霖當日錄影《亂噏24》不敢怠慢，一早便與助手到場準備，這是尊重兩位前輩主持的表現。黎智英（肥佬黎）甫見他便說：「嘩，𠵱家你紅得好緊要！」Chilam不敢邀功：「多得你哋啦！」蔡瀾更將他媲美張國榮：「你靚仔過佢！」幾句熱情開場白為節目揭開序幕。
娛圈從來跟紅頂白，剎那光輝不代表永恒，Chilam憑《衝上雲霄II》人氣爆燈，肥佬黎便順口問：「係咪覺得喺娛圈，當運氣嚟你擋都擋唔到？」Chilam以平常心看待，因他經歷過無數次忽然爆紅、忽然被遺忘的過去，就如他十幾年前拍無綫劇《十月初五的月光》，飾演啞巴初哥哥的他被捧到上天，Chilam說：「我出道時候係唱歌先，一定要話畀黎生聽，頭先佢問我識唔識唱歌。」原來肥佬黎不知Chilam是歌手出身，事實上91年他出道時，便憑與許秋怡合唱的《現代愛情故事》竄紅，那是飛圖卡拉OK年代。
Chilam喜愛慢活
現實中的Chilam與Cool魔一樣，做事率性隨心，不愛趕頭趕命，寧願慢慢享受過程，他說：「我都唔知我啲朋友、屋企人趕乜嘢！」肥佬黎自爆自己都是心急的人，但會盡快完成工作來騰出空餘、獨處的時間：「我唔想自己真係好忙，因為我基本上係唔鍾意做嘢嘅人。如果你唔使我做嘢，我係好開心㗎！」Chilam頗有相逢恨晚感覺：「其實我都係，我最唔鍾意做嘢！」
肥佬黎席間分享成功之道，原來來自母親的催眠式鼓勵，他說：「好似俾我阿媽洗咗腦咁！有一日我覺得我實掂㗎，實發嘅，實出人頭地㗎！所以好多發嘅人我從來唔羨慕，我唯一羨慕係睇見𡃁仔，吖呢條女咁靚嘅？哇哈哈，我點媾條咁靚嘅女呢？」引得哄堂大笑。
Chilam之所以加入娛圈，原來又是出於偶然。當年他在澳洲讀書返港放暑假，其表姐上山詩鈉介紹他給Tony Chiu（製作公司負責人）認識，後來便加入飛圖做歌手，他說：「咁試吓唱就試到𠵱家。」蔡瀾將Chilam歸類為「中午劇場的偶像」，雖然現在很紅，但仍要等候一個機會去突破，他說：「如果有個人有啲遠見嘅話，應該搵你嚟拍番《胭脂扣》。」Chilam受寵若驚說：「拜託你啦蔡San！」可惜蔡瀾說：「我唔玩啦！」
劇集內容似執藥
《衝上雲霄II》是近年無綫鮮有的誠意之作，事實上無綫劇集屢被批評沉悶老套，了無新意，肥佬黎說：「20年前啲電視劇好過𠵱家！佢成日諗住呢啲係順嫂睇、老人家睇。」蔡瀾有感而發：「報新聞都係咁，𠵱家係白癡嘅！」肥佬黎認為劇集質素差，主要是編劇問題：「我講嗰啲白癡電視劇，係畀一個formula限制咗。佢哋將所有嘢好似執藥咁執晒落去，咁就冇創造性。」不過肥佬黎又補充：「老闆話如果收視唔夠，炒㗎大佬！」道出編劇的兩難。
席間Chilam分享了對外國劇集的看法，蔡瀾推薦罪案劇《絕命毒師》（Breaking Bad），原來Chilam都有追看，他說：「嘩好睇到，冇可能出現喺香港！」並羨慕當地演員可遇上這些出色劇本。肥佬黎戥Chilam不值，事關遇上垃圾編劇，可能要被迫在鏡頭前做「戇居嘢」。他憶述當年打工，永遠碰到一些「白癡」老闆，逼使他自己創業：「大佬我完成咗畀你咪得囉！做乜要按照你個做法呢？佢哋覺得冇面子呀，冚扮爛都係白癡嚟。所以最後點解我自己做生意，仆街，我成日同埋啲白癡嘅！」
【亂噏24第8集】《衝上雲霄》Cool魔現身
http://bit.ly/talk240801
【亂噏24第8集】阿媽當年點洗腦 造就今日肥佬
http://bit.ly/talk240802
【亂噏24第8集】承繼胭脂扣哥哥 蔡瀾睇好Cool魔
http://bit.ly/talk240803
【亂噏24第8集】港劇沒落 爆多年收視率內幕
http://bit.ly/talk240804
【亂噏24第8集】嫌港劇老土又重複 蔡瀾睇製毒
http://bit.ly/talk240805
【亂噏24第8集】肥佬教仔不傳統 對抗欺凌打餐懵
http://bit.ly/talk240806
【亂噏24】 【第8集】不老張智霖：唔好問我點保鮮
http://bit.ly/talk240807