【第41屆港姐競選之無膽度胸】港姐十強後日進行決賽，新一屆冠軍即將誕生。身為準決賽星級選民之一的鄭裕玲（嘟姐）日前在她有份主持的商台節目《口水多過浪花》中，講到今屆港姐由參選到拍外景，所有工作人員如梳頭、化妝師等，都會記錄佳麗的操行：「寫明邊個遲到，呢啲好重要㗎，第時做港姐或做同事，拍外景遲到點算呀。又寫有佳麗喺巴黎拍外景冇乜上進心，掛住玩手機，我覺得幾新鮮，幾interesting！」原來工作人員中有二五私底下給港姐日常操行分數，編成名單給評判，變相是份黑名單。
星夢幫教路
何傲兒、陳明恩、鄭俊弘及羅鈞滿等星夢幫，昨日在將軍澳電視廣播城和十強港姐會面，分享上台經驗，大會即場為港姐度三圍、手臂及大髀尺寸，任佳麗選兩項來量度，結果十人中都沒有揀度上圍，莫非方便決賽時出蠱惑？不過16號徐韶蓓量度大髀時竟然無減反加，令全場大笑。
大熱15號蔡思貝明顯比初入圍時消瘦不少，會否擔心上圍縮水？她說：「上圍呢啲長大咗，發育完成咗㗎喇。」
讚勇氣可嘉
星夢幫和佳麗分享心得，身為師姐的何傲兒大讚她們有勇氣：「度尺寸真係好有壓力，因為呢啲冇得呃人，畀我𠵱家都唔敢。」對於有指《星夢傳奇》參賽者會演出《老表，你好嘢！2》，何傲兒和鄭俊弘皆未收到通知，不過有機會也想嘗試演喜劇。
採訪：王崇穎
若讀者得悉這班佳麗的底細或秘聞，歡迎電郵至mailto:[email protected]報料。
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！