譚詠麟（阿倫）、關淑怡、溫拿、陳慧嫻、李克勤、王馨平（Linda）及湯寶如（湯記）等前晚在灣仔會展演出「寶麗金Polygram Forever Live」，阿倫帶領眾人唱《朋友》揭開序幕。全晚以Linda的中空透視裝及湯記的大露背最性感，但湯記身形較肥，出場時更因踩到裙腳險跌倒，幸有驚無險。至於慧嫻的黑白條子look竟與關淑怡的黑人舞蹈員撞look，之後她再以廁所揼帽的「技蘭」造型出現。
阿倫出場時竟學古天樂（古仔）講普通話「輪胎能」，他笑說：「我以為前面係大陸人，唔係我笑佢（古仔），全球華人都有留意，不過近日聽佢有進步。」但可惜兩大天王張學友及黎明（Leon），草蜢及當年寶麗金太子爺鄭中基也沒有出席，令演唱會失色，阿倫說：「係㗎。」是否要高價先可吸引大星演出？阿倫搞笑說：「我冇問過有幾多錢，真係笨！有啲車馬費，溫拿分咗可以坐地鐵。」鍾鎮濤則自爆：「睇戲都得，過咗60歲可以平10蚊。」阿倫又自誇心理和生理仍很後生。
慧嫻否認緊張食藥
關淑怡之前稱在facebook被恐嚇，她已報警備案：「冇影響心情，𠵱家冇事。」會否擔心囝囝？她笑說：「it's nothing，我驚我多啲。」找壯男陪伴？她笑說：「你哋有冇介紹？」而慧嫻則在台上有感而發：「寶麗金好重要，畀我事業同一段好感情，多謝區丁玉。」有傳她情緒緊張要食藥？慧嫻否認大叫：「啋！」
採訪：溫敏芝
攝影：陳俊強
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！